Question 9
Báwo ni Mosún olóòórùn ṣe di ẹni ẹ̀kọ̀ tí ayé ń sá fún láwùjọ?
Observation
Candidates were required to narrate how Mosun becameostracized due to her body odour.
Bí Mosún olóòórùn ṣe di ẹni ẹ̀kọ̀ tí ayé ń sá fún láwùjọ:
- Ọ̀kan lára àwọn Olóyè Ilẹ̀-Ifẹ̀tí ó jẹ́ ọ̀rẹ́ tímọ́tímọ́ fún Àrólé ni bàbá Mosún yá èèbù iṣu bíi igba lọ́wọ́ rẹ̀
- Bàbá Mosún ṣèlérí fún Olóyè yìí pé òun yóò pa èèbù mìíràn fún un padà bí òun bá ti kórè iṣu òun ní àmọ́dún
- Ìrọ́dún ọ̀hún ni òjò ò tètè rọ̀ tí iṣu sì jọ́bà lébè
- Èyí mú kí bàbá Mosún má lè pa èèbù fún olóyè padà
- Olóyè bẹ̀rẹ̀ sí níí yọ bàbá Mosún lẹ́nu pé kí ó bá òun wá èèbù iṣu òun
- Fìtìnátì bàbá Olóyè yìí pọ̀ débi pé bàbá Mosún fi Mosún, ọmọ rẹ̀, ṣọfà fún un
- Bàbá Mosún ṣèlérí pé òun yóò wá gba ọmọ òun padà bí òun bá ti rí èèbù tó tó èyí tí òun gbà lọ́wọ́ Olóyè
- Pọn-nabọn ìyà ni bàbá olóyè yìí fi ń jẹ Mosún lásìkò tí ó ń ṣọfà lọ́dọ̀ rẹ̀
- Oúnje ẹ̀ẹ̀kan péré ni ó máa ń fún Mosún lóòjọ́, ọ̀sán nìkan sì ni
- Mosùn ni yóò mọ bí yóò ti jẹ oúnjẹ ti àárọ̀ àti ti alẹ́ fúnra rẹ̀
- Òru ọjọ́ kan ni bàbá Olóyè yìí yọ́ kẹ́lẹ́kẹ́lẹ́ lọ bá Mosún níbi tí ó sùn sí, ó sì bá a lájọṣepọ̀ tipátipá
- Lẹ́yìn èyí ni bàbá Olóyè kìlọ̀ fún Mosún pé kò gbọdọ̀ sọ àṣírí náà fún ẹnikẹ́ni àti pé ọjọ́ tí ó bá sọ ọ́ jáde ni yóò gba ọjọ́ ikú rẹ̀
- Láti ìgbà yìí ni bàbá Olóyè ti ń bá Mosún lájọṣepọ̀ lóòrèkóòrè
- Kò lọ́rún, kò lóṣù, Mosún fẹ́ra kù, ó sì fi tó bàbá Olóyè létí
- Bàbá Olóyè torí èyí lé Mosún jáde kúrò ní ilé rẹ̀
- Bàbá Mosún kò lè sa ipá kan lórí ọ̀rọ̀ yìí nítorí pé Olóyè lágbára, ó sì lówó bíi ṣẹ̀kẹ̀rẹ̀ àti pé ọ̀rẹ́ tímọ́tímọ́ ni ó jẹ́ fún Àrólé.
- Bàbá Mosún fi ọ̀rọ̀ mọ Olọ́run, ó sì ń kó ìtọ́jú Mosún bájú bámú títí di àkókò ìbímọ rẹ̀.
- Àwọn agbẹ̀bí sọ fún bàbá Mosún pé ọmọ rẹ̀ kò níí lè dá ọmọ náà bí fúnra rẹ̀ nítorí pé abẹ́ rẹ̀ fún, nítorí ọjọ́ orí rẹ̀ tí ó kéré àfi tí wọ́n bá ṣiṣẹ́ abẹ fún un.
- Àsìkò ìbímọ yìí ni ìjàǹbá ṣe Mosún lójú ara tí kò le pa ìtọ̀ mọ́ra mọ́ tí ó sì ń ní ìsun ẹ̀jẹ̀ aláwọ̀ọ́ọ̀dá.
- Inú wàhálà àsáká yìí ni bàbá Mosún ti rí ikú rẹ̀ he; ṣe ni ó gbẹ̀mí ara rẹ̀.
- Láti ìgbà yìí ni Mosún ti di ẹlẹ́gbin, tí ó di olóòórùn tí ayé ń sá fún.
Candidates’ performance in this question was poor, it showed that Candidates had shallow knowledge of the set text.