Àfòmọ́-ìbẹ̀rẹ̀

Ọ̀rọ̀ tí a ṣẹ̀dá

Gbólohùn tí ọ̀rọ̀ ìṣẹ̀dá wà nínú rẹ̀

i

à

àjọ, àlọ, àsè, àbọ̀, àṣẹ, àsé, àlọ́, àrùn.

Àjọ ojúmọ́ ni mò ń dá.
Ilé-iṣẹ́ àjọ Elétò ìdìbò ni Olú ti ń ṣiṣẹ́.
Àlọ yín á dára, àbọ̀ á sunwọ̀n.
Ìjàpá lọ jẹ àsè ní ilé ọ̀rẹ́ rẹ̀.
Wọ́n pa àṣẹ pé kí onílé gbélé
Bọ́lá fẹ́ràn láti máa bẹ́ àsé fún àwàdà ṣíṣe

ii

a

adé, ajọ̀, asẹ́, asọ̀, afọ̀, ayọ̀, ata.

Ọba dé adé.
A fi ajọ̀ jọ èlùbọ́ tí a fẹ́ẹ́ fi ro àmàlà.
Màmá Bọ́lá fi asẹ́ sẹ́ ògì.
Wọ́n ń ṣe asọ̀ nípa sísan owó-orí.
A lè fi ọ̀rọ̀ ṣe afọ̀.

iii

ọ̀

ọ̀mu, ọ̀pọ̀, ọ̀gbìn, ọ̀wọ́n, ọ̀hun, ọ̀ta, ọ̀dẹ̀

Ọ̀mu náà parí kèǹgbè ẹmu méjì lójú ẹsẹ̀.
Àsikò ọ̀pọ̀ oúnjẹ ni a wà yìí.
Iṣẹ́ ọ̀gbìn kòkó ni bàbá Mojísọ́lá ń ṣe.
Ọ̀wọ́n gógó epo bẹtiró ti gbòde kan.
Bí ó bá gba ìdọ̀bálẹ̀ bàbá rẹ̀, a jẹ́ pé ó ti jẹ ọ̀hun.

iv

ì

ìlù, ìfẹ́, ìkẹ́, ìgẹ̀, ìrìn, ìjà, ìtọ̀, ìsun, ìbọ, ìṣe, ìwẹ̀, ìlu, ìtẹ́.

Ìlù dùndún ni à ń lù fún egúngún aláré.
Bàbá àgbà fi ìfẹ́ hàn sí àwọn ọmọ tó gbọ́ tirẹ̀.
Màmá àgbà ń ṣe ìkẹ́ àti ìgẹ̀ àwọn ọmọọmọ rẹ̀.
Ìrìn ọjọ́ kan gbáko ni àbúlé wa sí Ọ̀jọ̀ọ́.

v

i

ijó, ikú, itẹ́, isó

Ijó pákáleke ni à ń jó sí ìlù bàtá.
Ikú dóró, ó mú ẹni rere lọ.
Wọ́n gbé òkú lọ sí itẹ́ lẹ́yìn àdúrà fún òkú.
Isó inú ẹ̀kú, àmúmọ́ra ni.